SUSANNA ISERN
POR ONDE IAMOS? Se non liches o primeiro volume aconsélloche que deixes de ler aquí. Hai spoilers! Ah, si, xusto pola mellor parte: cando derrotei as tres bruxas malvadas e volvín a Vilagrís convertida nunha delas. Se lembras, visitei o tenebroso castelo no que vivían as trixemelgas, Cornelia, Clío e Musgo. Elas mesmas me deron clases de maxia e, aínda que as cousas non saíron como agardaban, eu si que cumprín o meu soño. Aínda por riba fixen dous amigos: Lila, a miña coelliña fiel, e Tristán, un neno ao que desenfeiticei despois de levar máis de cincuenta anos con corpo de ogro. Xenial, non? O caso é que, unha vez na vila, entendín que tiña que aprender a usar a miña maxia. Por iso colguei na porta un aviso de BRUXA EN PRÁCTICAS. Non sempre atinaba á primeira e quería que os veciños fosen comprensivos. O que nunca imaxinei é que a liase tanto e tan gorda. Le, le... !
